01.07.2019 йилдаги “Сунъий нотекисликлар умумий техник талабларни қўллаш тартиби тўғрисида”ги Давлат стандарти талабларига кўра, сунъий нотекисликни қуйидаги жойларда ўрнатиш мумкин эмаслиги белгиланган:
– халқаро аҳамиятга эга йўлларда;
– ҳаракатланиш полосалари 4 ва ундан кўп бўлган Республика аҳамиятига эга бўлган йўлларда;
– жамоат транспорти тўхташ жойларида ёки уларга қўшни полосаларда ва ҳаракатланиш қисми кенгайтирилган жойларда;
– кўприкларда, йўл ўтказгичларда, эстакадаларда, транспорт тоннелларида ва кўприк тагидан ўтиш жойларида;
– темир йўлни кесиб ўтиш жойларидан 100 м.дан кам масофа бўлган жойларда;
– шаҳарлардаги тез ҳаракатланиладиган магистрал йўлларда ва узлуксиз ҳаракатланиладиган умумшаҳар аҳамиятидаги магистрал кўчаларда;
– касалхоналарга, тез ёрдам станцияларига, ўт ўчириш станцияларига, автобус ва троллейбус паркларига, авария хизматлари турадиган майдончаларга ва махсус транспорт воситалари тўпланадиган объектларга кириш жойларида.
