30 июль — Халқлар дўстлиги куни муносабати билан туманда «Халқлар дўстлиги» фестивали доирасида концерт дастури бўлиб ўтди.
Туман маданият ва истироҳат боғида бўлган «Дўстлик оҳанглари» деб номланган фестивалнинг асосий тантаналарида туман раҳбари Ж.Шаропов, ҳокимлик мутасаддилари, корхона, ташкилот ва муассасалар масъуллари ҳамда тумандошларимиз – турли миллат вакиллари иштирок этишди.
Тадбирни туман ҳокимининг ўринбосари Акмал Қазоқов кириш сўзи билан очиб, 30 июль — Халқлар дўстлиги куни муносабати билан туман аҳолисига туман раҳбари Жамшид Шароповнинг табригини ўқиб эшиттирди.
Дўстлик фестивали давомида туман маданият маркази ходимларининг куй, садолари ҳамда болажонларнинг рақслари тадбирга ўзгача шукуҳ бахш этди.
Шунингдек табрикда 181,718 нафардан ортиқ аҳолиси бор туманимизда 171,616 нафар ўзбеклар, 3 нафар латиш, 24 нафар қорақалпоқ, 316 нафар рус, 106 нафар украин, 38 нафар белорус, 472 нафар қозоқ, 11 нафар грузин, 19 нафар озарбайжон, 7900 нафар тожик, 98 нафар туркман, 322 нафар татар, 31 нафар немис, 76 нафар корейс, миллати вакиллари бир оила фарзандларидек, ёнма-ён яшаб жамият ҳаётининг турли жабҳаларида самарали меҳнат қилиб келишаётганликлари эътироф этилгани ҳолда барчани Халқлар дўстлиги куни билан самимий қутлади.
