Ҳурматли соҳа фидойилари, Ички ишлар идоралари ходимлари!
Аввало, сиз, азизларни 25 октабр — Ўзбекистон Республикаси ички ишлар органлари ходимлари куни билан чин қалбимдан самимий табриклайман.
Юртимизда жамоат хавфсизлиги, халқимиз осойишталигини таъминлаш, тинчлик ва барқарорликни мустаҳкамлаш, жиноятчиликка қарши курашиш, ҳуқуқбузарликлар профилактикаси самарадорлигини ошириш, фуқароларнинг ҳуқуқ ва эркинликлари, қонуний манфаатларини ҳимоя қилиш, ёш авлодни она Ватанга муҳаббат ва садоқат руҳида тарбиялашда фидойи соҳа ходимлари – Ички ишлар органларининг хизматини алоҳида эътироф этиш жоиз.
Бугунги сана шуниси билан ҳам эътиборлики, Ички ишлар идоралари ходимлари касб байрами билан биргаликда Ўзбекистон Республикаси Ички ишлар органлари ташкил этилганлигининг 31 йиллигини кенг нишонламоқдалар.
Мустақиллик йилларида бошқа соҳалар қатори ички ишлар органлари ҳам ғоят шарафли ва масъулиятли йўлни босиб ўтди. Айниқса, кейинги олти йилда муҳтарам Президентимиз Шавкат Миромонович Мирзиёев раҳбарлигида ички ишлар органларида кенг кўламли ва пухта ўйланган ислоҳотлар амалга оширилди.
Жумладан, туманимизда ҳам жорий йилнинг 9 ойи давомида тизим ходимларининг хизмат фаолиятини янада яхшилаш мақсадида бир қанча ижобий ишлар амалга оширилиб келинмоқда.
Мисол тариқасида ʼъқизил ҳудудʼъга кирувчи жиноятчилик кўрсаткичи энг юқори бўлган ʼЪҚалмақонʼʼ маҳалла фуқаролар йиғинида янгидан маҳалла биноси ва таянч пункти замон талабларига мос қилиб фойдаланишга топширилди.
Олиб борилган ижобий ишлар натижасида 2022 йилнинг 9 ойи мобайнида жами 238 та жиноятлар қайд этилиб, ўтган йилга нисбатан 1,5 фоизга ҳамда жиноят қидирув соҳасидаги жиноятлар 143 та содир этилиб, ўтган йилга нисбаттан 16,9 фоизга камайишига, вояга етмаганлар томонидан содир этилган жиноятлар эса барқарор сақланишига эришилди.
Ҳурматли ички ишлар ходимлари!
Муҳтарам фахрийлар!
Сизларни яна бир бор касб байрамингиз билан чин юракдан қутлаб, барчангизга мустаҳкам соғлик, хонадонларингизга файзу барака, ғоят масъулиятли ва серқирра фаолиятингизда янги зафарлар тилайман
Байрамингиз муборак бўлсин!
ЖАМШИД ШАРОПОВ,
ШОФИРКОН ТУМАН ҲОКИМИ.
