«Ўзсаноатқурилишбанк» АТБ томонидан «Букҳара Мега Голд» МЧЖга «Экспортни ривожлантириш агентлиги» маблағлари ҳисобидан экспорт фаолиятини ривожлантириш мақсадида қишлоқ хўжалиги маҳсулотларини сотиб олиш (нақд пулда) учун 12 ой муддатга 6 ойгача асосий қарз учун имтиёзли давр билан, йиллик 4 фоиз ставкада 850 000,0 АҚШ доллари миқдорида кредит ажратиш маъқулланган.
Жумладан, Банк ва «Букҳара Мега Голд» МЧЖ ўртасида расмийлаштирилган кредит шартномасида қайд этилган шартлар мижоз томонидан бажарилганидан сўнг, кредит маблағлари 2 транш асосида ажратилиши белгиланган.
Хусусан, «Букҳара Мега Голд» МЧЖга 1-транш бўйича 500,0 минг АҚШ доллари миқдорида кредит маблағлари ажратилган бўлиб, 2-транш бўйича мижоз томонидан ўз зиммасига олинган ва кредит шартномасида келишилган шартлар бажарилганидан сўнг, амалдаги қонунчиликда белгиланган тартибда 350,0 минг АҚШ доллари миқдорида кредит маблағлари ажратилиши маълум қилинади.
