Бугун Ромитан тумани ҳокимлигининг катта мажлислар залида Бухоро вилояти Ромитан туман ҳудудидан ўтувчи А-380 “Ғузор – Бухоро – Нукус – Бейнеу” халқаро автомагистрал йўли ёқаларида қурилиши режалаштирилган йўл бўйи сервис хизмат кўрсатиш объектларнинг мастер режалари тақдимоти бўлиб ўтди.
Унда туман ҳокими Умеджон Барноев бошчилигида сектор раҳбарлари, туман ҳокими ўринбосарлари, тегишли ташкилот, корхона раҳбарлари ҳамда тумандаги бир қатор тадбиркорлар иштирок этди.
Туман раҳбари У.Барноев ҳамда тадбиркорлар замонавий қиёфада бўй кўрсатаётган маскан лойиҳалари билан танишди. У ерда бунёд этилиши режалаштирилган “Меҳмонхона, ошхона, савдо ва маиший хизмати кўрсатиш, дорихона, автомобилларга техник хизмати кўрсатиш, автомобилларга сервиз хизматини кўрсатиш, автотураргоҳ, ҳожатхона, таҳоратхона, намоз ўқиш хонаси, она ва бола хонаси, Миллий таомлар ошхонаси, полиз маҳсулотлари сотиш дўконлари, нон ва нон маҳсулотларини ишлаб чиқариш цехи, балиқ маҳсулотлари сотиш дўкони, автомобилларни ювиш шахобчаси, автомилларда Халқаро юк ташиш парки (T.I.R. parking), автоэҳтиёт қисмлари сотиш дўкони, Мотел, қаҳвахона, сартарошхона, гўзаллик салони, кимёвий тозалаш шаҳобчаси, автомобилларга ёқилғи қуйиш шаҳобчаси, автомобилларга сиқилган (Метан) газ қуйиш компрессор хонаси, кутиш зали, эвакуатор хизмати, мева ва сабзавотлар сотиш дўкони, полиз, сабзавот ва боғдорчилик маҳсулотларини мавсумий сотиш шаҳобчаси, автосалон, камера ямаш устахонаси”ларнинг қурилиш муддати ва лойиҳалари билан қизиқди.
