Бугунги кунда аҳоли билан доимий мулоқот қилиш, фуқароларни қийнаётган муаммоларни ҳал этишнинг самарали механизми ва усуллари жорий этилгани мамлакатимизда амалга оширилаётган ислоҳотларнинг устувор йўналишига айланди.
Бугун, 5 май куни Ромитан тумани ҳокими Умеджон Барноев 1-секторга қарашли “Бахтиёрчи” ва “Қўрғон” маҳалла фуқаролар йиғинларида яшовчи ўзига бириктирилган ёшларнинг хонадонларида бўлиб, ёшлар ҳамда уларнинг ота-оналари билан самимий мулоқот қилди, ёшларнинг муаммолари ва таклифларини ўрганди.
Ўрганишлар жараёнида ёшлар томонидан айтилган муаммоларга ечим топилди ва уларнинг таклифлари асосида чора-тадбирлар кўрилиши белгилаб олинди. 1-сектор раҳбари масъулларга билдирилган муаммоларни бартараф этиш юзасидан тегишли кўрсатмалар берди.
