Ромитанда вояга етмаган машина ўғриси қўлга олинди

Ромитан тумани ИИБ томонидан берилган маълумотга кўра, кеч соат 23:50 ларда туманнинг “Тарнаут” маҳалласида яшовчи, 2005 йилда туғилган вояга етмаган шахс маст ҳолатда Алишер Навоий номли маҳалла ҳудудида жойлашган “Дирҳам” кафеси олдида турган “Дамас” русумли автомашинани олиб қочади. Ҳолат юзасидан вилоят ички ишлар органлари томонидан суриштирув ишлари олиб борилиб, вилоят миқёсида “тўсиб ушлаш” махсус режаси ҳаракатга келтирилди.
  
Ўз вақтида олиб борилган тезкор-техник ҳамда қидирув-суриштирув тадбирлари натижасида ушбу автотранспорт воситасини олиб қочган шахс қўлга олинди. Айни пайтда мазкур ҳолат юзасидан Жиноят кодексининг 267-моддаси 1-қисми билан жиноят иши қўзғатилиб, дастлабки тергов ҳаракатлари олиб борилмоқда.