Бугун, 23 февраль куни Ромитан туман ҳокими Умеджон Барноев бошчилигидаги мутасаддилар томонидан 1-секторга қарашли “Қизилравот” маҳалла фуқаролар йиғини аҳолиси учун онлайн сайёр қабул ўтказилди.
Сайёр қабулда туман Халқ қабулхонаси мудири, туман ҳокими ўринбосарлари, халқ таълими бўлими, мактабгача таълим бўлими, туман адлия бўлими, аҳоли бандлигига кўмаклашиш маркази директори, электр тармоқлари корхонаси, туман газ таъминоти корхонаси, “Сувокава” ДУК, йўллардан фойдаланиш унитар корхонаси, тиббиёт бирлашмаси, туман кадастр бўлими бошлиқлари ҳамда тегишли корхона ташкилот раҳбарлари иштирок этди.
Туман ҳокими томонидан 1-сектор ҳудудидаги “Қизилравот” маҳалла фуқаролар йиғини жисмоний ва юридик шахслар билан оммавий сайёр қабул ва учрашув асосида долзарб муаммоларни аниқлаш, уларни бевосита жойида бартараф этиш, ҳудудни ижтимоий-иқтисодий ривожлантириш, аҳолининг турмуш тарзи ва ижтимоий муҳофазасини яхшилаш, тадбиркорликни ривожлантириш юзасидан аниқ чоралар кўриш тўғрисида таъкидланди.
Сайёр қабул давомида моддий ёрдам ажратиш, деҳқончилик билан шуғулланиш ва тадбиркорликни йўлга қўйиш мақсадида ер ажратиб бериш, қозоқ миллатининг урф-одатлари билан биргаликда уларнинг миллийлигини сақлаб қолиш мақсадида маданият марказини ташкил этиш бўйича фуқароларнинг мурожаатлари қабул қилинди.
Ўтказилган оммавий қабулда шаффофлик ва холисликни таъминлаб, ҳар бир муаммо ва мурожаат ижроси назоратга олинди.
Бугунги кундаги долзарб муаммоларни тезкорлик билан ҳал этишга, жумладан, аҳоли хонадонларига ичимлик сув, газ, электр энергия таъминотини узлуксиз яхшилашга, ички йўлларни таъмирлашга, шунингдек, ижтимоий ҳимояга муҳтож бўлган, кам таъминланган оилаларни ва ёшларни ҳар томонлама қўллаб-қувватлашга қаратилди.
