Ромитан тумани Шўрча маҳалла фуқаролар йиғини Президентимиз ташаббусларига асосан амалга оширилаётган “Обод хонадон, обод кўча, обод маҳалла” давлат дастури бўйича “Йўл харита”си ишлаб чиқилиб, ҳудудда амалий ишлар бошланган эди.
Бу жараён давомида аҳоли турмуш даражасини ошириш, уларнинг муносиб ҳаёт кечириши учун зарур шароитларни яратишга қаратилган комплекс ёндашув асосида улкан ҳажмдаги қурилиш-таъмирлаш, ободонлаштириш ишлари амалга оширилиб, мазкур маҳалла қиёфаси тубдан янгиланади.
Бунда аҳоли бандлигини таъминлаш ҳамда кўмакка муҳтож аҳоли қатламини ижтимоий муҳофаза қилиш масалалари ҳам тузилган ишчи гуруҳларнинг алоҳида эътибор марказида бўлади.
Бугун Ромитан тумани ҳокими Умеджон Барноев Шўрча маҳалла фуқаролар йиғинида бўлиб, маҳалла оқсоқоллари ҳамда фаоллари билан мулоқот қилди. Аҳолидан келиб тушган мурожаатлар, уйма-уй юриб ўрганишлар асосида аниқланган қатор муаммолар юзасидан масъулларга қўшимча вазифалар белгилаб берилди.
Шундан сўнг, туман раҳбари тегишли масъулларга маҳаллада мавжуд барча қишлоқларни ибратга лойиқ жиҳатлар – ободонлаштириш ишлари, хонадонларнинг таъмирланиши, ташқи деворлар, тандирхона, томорқадан самарали фойдаланиш бўйича берилган кўрсатма ва топшириқларга сидқи дилдан ёндошиш лозимлиги таъкидлаб ўтилди.
