Бугун Ромитан тумани ҳокими Умеджон Барноев бошчилигида туманнинг 4-секторига қарашли Шўрча маҳалла фуқаролар йиғинида навбатдаги сайёр қабул ўтказилди.
Қабулда сектор раҳбарлари, туман Халқ қабулхонаси мудири, туман ҳокими ўринбосарлари, вилоят ва туман ташкилот, корхона вакиллари, маҳалла бешлиги, маҳалла фаоллари ҳамда мурожаати бор фуқаролар иштирок этди.
Сайёр қабулда фуқароларнинг мурожаати асосан асосий ва ички хўжалик йўлларини асфальтлаштириш ҳамда шағаллаштириш, истеъмолчиларни барқарор электр энергияси билан таъминлаш, имтиёзли кредит ажратиш ёрдамида тадбиркорликни ривожлантириш, ишга жойлашиш, субсидия асосида тикув машинаси олиб бериш, профессионал ва олий таълим ташкилотлари ўқувчи-талабаларининг таълим тўлов-контракт суммасининг бир қисмини қоплаб бериш, дори-дармон учун моддий ёрдам ажратиш каби 20 дан ортиқ муаммолар ҳақида бўлди.
Фуқароларнинг айрим муаммолари масалалар юзасидан мурожаатларнинг 14 таси жойида ҳал этилган бўлса, 5 нафар фуқарога ҳуқуқий тушунчалар берилиб, туман ташкилот раҳбарларига ижроси қонун доирасида ўрганиб, ижобий ҳал этиш топшириғи берилди ҳамда туман раҳбари томонидан ижроси назоратга олинди.
