Ўзбекистон Республикаси Президентининг жорий йил 1 Июндаги ПФ-82 сонли Фармонининг 14-бандига асосан ҳафтанинг ҳар Жума куни “Меҳр ва саховат куни” этиб белгиланди.
Бухоро вилояти прокуроринг катта ёрдамчиси Дилшод Зарипов, Ромитан тумани ҳокими ўринбосари Фузулий Саломов, туман ҳокимлигининг болаларни ҳимоя қилиш шўъбаси мудири Фаррух Шодиев билан ҳамкорликда, ушбу фармон ижросини таъминлаш мақсадида бугун тумандаги эҳтиёжманд, ногиронлиги бўлган шахслар ҳамда ёлғиз кексалар ҳолидан хабар олиш учун бир қатор хонадонларга ташрифлар уюштирилди.
Даслабки манзил, Миришкор маҳалла фуқаролар йиғини бўлиб, мазкур ҳудудда яшовчи ота-она қарамоғидан маҳрум бўлган 5 нафар йигит-қизларни васийликка олган Асрор Райимов хонадони бўлди.
Кейинги манзил Аттарон маҳалла фуқаролар йиғини бўлиб, ушбу маҳаллада турли сабабларга кўра чет элга кетган фуқароларнинг 7 нафар вояга етмаган фарзандлари ҳолидан хабар олиниб, уларга нисбатан яқин қариндошлари васий этиб белгиланди.
Бундан ташқари шу куни ўзида Қаҳрамон маҳалла фуқаролар йиғини ҳудудидан ҳам худди шундай 4 нафар вояга етмаган ёшларга яқин қариндошлари васий этиб белгиланди.
Бу каби меҳр ва саховатлар янада кенг қамровли амалга оширилиши келишиб олинди.
