Бухоро вилояти, Ромитан туманидаги 11-синф ўқувчиси ярим тунда амакисига тегишли автомашинани олиб қочиб, одам уриб юборди ва унинг ўлимига сабабчи бўлди.
Бу ҳақда вилоят ИИБ ЙҲХБ ахборот хизмати раҳбари Улуғбек Шукуруллаев маълум қилди. Таъкидланишича, ҳолат жорий йилнинг 26 октябрь куни тунги 00:40 ларда содир бўлган.
2004 йилда тумандаги «Ўтабек» қишлоғида туғилган, 15-умумий ўрта таълим мактабининг 11-синфида таҳсил олиб келаётган амакиваччалар А.Б. ҳамда Э.Б.лар ота-онасидан яширин равишда амакисига тегишли бўлган «Нексия» русумли автомашинани ҳайдаб кўриш учун олиб қочишган. Ҳудуднинг «Навбаҳор» МФЙдан кесиб ўтувчи 4Р-68 автомобиль йўлининг 20-километрига етганда, А.Б. рул бошқарувини йўқотиб қўйган. Ва йўлда пиёда ҳолатда кетаётган «Ифтихор» маҳалласида яшовчи 33 ёшли фуқаро С.А.ни уриб юборган. С.А. қаттиқ зарбдан жароҳатланиб, учиб кетган. Натижада бош мия ёпиқ жароҳати билан жароҳатланган. Кўрсатилган муолажаларга қарамай, С.А.касалхонада вафот этган.
Vidiyosini tashangla