Ромитан туманида “Аёлга эҳтиром кўрсатиш – халқимизга хос олижаноб қадрият” деган ғоя остида туман ҳокимлиги ҳамда Оила ва хотин-қизлар бўлими томонидан маҳаллаларда ижтимоий ёрдамга муҳтож, ногиронлиги бор бўлган хотин-қизларни бир гуруҳига реабилитация воситалари тарқатилди.
Жумладан, 12 нафар ногиронлиги бўлган хотин-қизларга ногиронлик аравачаси, 11 нафар аёлларга эшитиш мосламали қулоқчин, 41 та ҳасса, 4 та қўлтиқ таёқ, кўзи ожизлар учун 2 та ҳасса Оила ва хотин-қизларни қўллаб-қувватлаш давлат мақсадли жамғармасидан берилди.
Оиласида ногирон хотин-қизлари бор фуқароларга ҳаётнинг бундай синови олдида матонат билан сабр қилиб, шукур қилиб яшаб келаётганликларига туманимиз раҳбарлари миннатдорчилик билдиришди ва уларни қўллаб-қувватлаш учун доимо тайёр эканликларини айтиб ўтишди.
