Ўзбекистон Республикаси Вазирлар Маҳкамасининг 2022 йил 18 январдаги “Истеъдодли ёшларни қўллаб-қувватлаш “Улуғбек” жамғармаси фаолиятини ривожлантириш чора-тадбирлари тўғрисида”ги 30-сонли қарори ижросини таъминлаш мақсадида “Мирзо Улуғбек ворислари” танловининг Ромитан туман босқичи бўлиб ўтган эди.
17 май куни Ромитан тумани ҳокимлигининг кичик мажлислар залида ўтказилган танлов иштирокчилари орасидан ғолибларни тақдирлаш маросими бўлиб ўтди.
Маросимда туман ҳокими Умеджон Барноев бошчилигида сектор раҳбарлари, туман ҳокими ўринбосарлари, Ёшлар ишлари агентлиги туман бўлими ҳамда тегишли ташкилот масъуллар иштирок этди.
Ўтказилган танловда яхши деб топилган 5 нафар иштирокчи танловнинг вилоят босқичига йўлланмани қўлга киритиб, сертификат ҳамда БҲМнинг 5 баробари миқдоридаги пул мукофоти билан тақдирланди.
