Ўзбекистон Республикаси Президентининг 2023 йил 19 февралдаги “2023 йилда қайта тикланувчи энергия манбаларини ва энергия тежовчи технологияларни жорий этишни жадаллаштириш чора-тадбирлари тўғрисида”ги ПҚ-57-сонли қарори ижросини таъминлаш ҳамда иқтисодиёт тармоқларида қайта тикланувчи энергия манбаларини кенг жорий этиш, энергия самарадорлигини ошириш орқали энергия тақчиллиги қопланишини таъминлаш мақсадида Ромитан туманида аҳоли хонадонлари, тадбиркорлик субъектлари ва ижтимоий соҳа объектларига қуёш панеллари ўрнатиш ишлари давом этмоқда.
Айниқса, иқтисодиёт тармоқларида қайта тикланувчи энергия манбаларини кенг жорий этиш, энергия самарадорлигини ошириш орқали энергия тақчиллиги қопланишини таъминлашга алоҳида эътибор қаратилмоқда.
Ромитан туманидаги 67 та ижтимоий соҳа объектларига, 95 та истеъмоллар хонадонларига қуёш фотоэлектр станциясияларини ўрнатиш режалаштирилган. Ҳозирга қадар “Қуёшли хонадон” лойиҳаси асосида 133 та хонадонларга мазкур панеллар ўрнатилди.
Шу ўринда, ўз эхтиёжидан ортиб қолган электр энергиясини умумий тармоққа узатгани учун фуқароларга ҳар бир кловати учун 1000 сўм миқдорида тўловлар тўлаб берилишини эслатиб ўтамиз.
Бунинг натижасида ҳозиргача тумандаги 130 дан ортиқ аҳоли ҳонадонларига 380 кВт, 70 дан ортиқ ижтимоий соҳа ва давлат объектларида 650 кВт, 51 нафар тадбиркорлик субъектлари томонидан 620 кВт қайта тикланувчи қуёш панеллари ўрнатилди.
