Куз-қиш мавсумини беталофат ўтказиш ҳамда фавқулодда ҳолатларни ўз вақтида бартараф этиш, кўп қаватли уйлар ва ижтимоий соҳа обектларида иссиқлик тизимини бир меъёрда ишлашини таъминлаш мақсадида Ромитан туманида ҳам қатор ишлар амалга оширилмоқда.
Республикадан бириктирилган масъул ходим Саҳоб Сулаймонов Ромитан тумани ҳокими Умеджон Барноев ҳамроҳлигида тумандаги кўп қаватли уй-жойлар ва ижтимоий соҳа обектларининг куз-қиш мавсумига тайёргарлиги ўрганилди. “Яшил макон” умуммиллий лойиҳаси доирасида ушбу ҳудудда манзарали дарахт кўчатлари ўтқазилди.
Дастлаб туман тиббиёт бирлашмасидаги мавсумга тайёргарлик ҳолати, жамғарилган кўмир миқдори ва сақланиши кўздан кечирилди. Ўрганиш жараёнида айрим камчиликларни бартараф этиш ва белгиланган чора-тадбирлар сифатини ошириш бўйича тегишли кўрсатмалар берилди.
Шунингдек, туман марказида жойлашган 3-давлат мактабгача таълим ташкилоти ҳамда 1-ихтисослаштирилган давлат умумтаълим мактаби муассасаларнинг куз-қиш мавсумига тайёргарлиги жумладан, кўмир захираси, қозонхоналар ва иситиш тизимининг ҳолати ўрганилиб, соҳа раҳбарларига куз-қиш мавсумини беталофат ўтказиш, ижтимоий соҳа объектларида иссиқликни барқарор сақлашда амалий натижага эришиш бўйича тегишли топшириқлар берилди.
Бундан ташқари масъуллар билан бирга аҳоли хонадонлари ва кўп қаватли уй-жойлар ертўлаларига ўрнатилган коммуникация тармоқларини ишчи ҳолати билан танишилди. Кўп қаватли уйларда яшовчи аҳоли билан сухбатлашиб, мавсумда юзага келиши мумкин бўлган салбий ҳолатларни олдини олиш бўйича фикр алмашилди.
