Бугун, 12 октябрь куни Ромитан туманининг 1-секторга қарашли 98 та илғор фермер хўжалик раҳбарлари шартномада белгиланган пахта режасини вилоятдаги туман ва шаҳар ҳокими сектори бўйича биринчилардан бўлиб бажардилар.
Туман ҳокими Умеджон Барноев раҳбарлигидаги 1-сектор фермерлари давлатимиз хирмонига 8 минг 641 тонна оқ олтин топшириб, режани биринчи теримни ўзидаёқ 100,1 фоизга бажардилар. Бундан ташқари миришкор деҳқонлар давлатга пахта топшириш режасини 122 фоизга бажаришни ўз олдиларига мақсад қилганлар.
Маълумот ўрнида, 1-сектор ҳудудидаги “Бахтиёр”, “Навобод”, “Ғафуробод Зулфия”, “Олтин Хирмон”, “Бахром Азим Файз”, “Тилав Назар”, “Саидбек Қўрғон Замини”, “Чўли Махмуд” фермер хўжаликлари 45-65 центнердан ҳосил олишга эришди.
Мазкур ҳудудда фидойилик кўрсатган барча масъуллар, жумладан сектор ва ҳудуд раҳбари, бириктирилган вакиллар ва фермер хўжалик раҳбарларига зафар муборак!
Туманимизда пахта ҳосили маррасини 3 та сектор ҳудуди бажарди, забт этиши кутилаётган 4-сектор ҳудудидаги меҳнаткашларига эса куч-қувват ва шу каби ютуқларни тилаб қоламиз!
