Ромитан туманида жиноятчиликни жиловлаш ва ҳуқуқбузарликларнинг олдини олишга қаратилган кенг қамровли профилактик тадбирлар олиб борилади.
Туман ҳокими Умеджон Барноев бошчилигида туманда хавфсиз муҳитни яратиш ва криминоген вазиятни яхшилаш бўйича амалга оширилаётган ишлар билан танишиш мақсадида маҳаллаларда фаолият юритаётган профиктика инспекторлари билан учрашув ўтказилди.
Учрашувда туман прокурори Фаррух Атоев, туман ички ишлар бўлими бошлиғи Жамшид Расулов, туман Давлат солиқ инспекцияси бошлиғи Бахтиёр Ғайбуллаев, туман ички ишлар бўлими ҳодимлари ҳамда профилактика инспекторлари иштирок этишди.
Учрашув давомида бугунги кунда Ромитан туманида содир этилаётган жиноятчилик, ҳуқуқбузарлик ҳолатларини олдини олиш, профилактика инспекторлари маҳаллаларда тегишли тартибда тарғибот, ташфиқот ишларини амалга ошириш, фуқароларнинг ҳуқуқий онгини ошириш борасида амалга оширилган ишлар таҳлил этилиб, юртимизни тинчлиги ва халқимизни фаровонлиги йўлида бирдам бўлиб ишлашга чорлади.
Бундан ташқари тумандаги маҳаллаларда маҳалла бешлиги, профилактика инспекторлари ва бошқа масъуллар томонидан “Обод ва хавфсиз маҳалла” тамойили асосида ишларни амалга ошириш, ҳудудларда ижтимоий профилактикага муҳтож аҳолининг муаммосини ҳал қилиш, жамоат жойларида ҳуқуқбузарликлар, маҳаллаларда жиноятларни содир этилишини олдини олиш бўйича тегишли кўрсатмалар берилди.
