Бугун Ромитан тумани Қишлоқ хўжалиги бўлими ходимлари учун кўркам ва замонавий қулайликларга эга бўлган биносининг очилиш маросими бўлиб ўтди.
Очилиш маросимида Бухоро вилояти қишлоқ хўжалиги бошқармаси бошлиғи А.Жаводов, туман ҳокими У.Барноев бошчилигида сектор раҳбарлари, туман ҳокими ўринбосарлари, тегишли ташкилот, корхона раҳбарлари, маҳалла фаоллари, нуронийлари ҳамда қишлоқ хўжалиги ходимлари иштирок этди.
Тадбирда сўз олганлар сўнгги йилларда Юртбошимиз томонидан миришкор деҳқонлар ва фермер хўжалиги раҳбарларига яратиб берилаётган имкониятлар ҳақида сўз юритишди. Бундан ташқари корхона, ташкилотларга янги ва замонавий бино иншоотлар қуриб фойдаланишга топширилаётганлиги бунинг бир исботи эканлигини таъкидлашди.
Шундан сўнг Қишлоқ хўжалиги бўлими биносининг очилиш маросимида рамзий лента кесилиб, йиғилганлар бўлимда яратилган шарт-шароит билан яқиндан танишдилар. Нуронийлар дуога қўл очиб, юртимизга тинчлик, халқимиз дастурхонига тўкин-сочинлик, файзу барака тилашди.
