Ассалому алейкум ҳурматли ишбилармон тадбиркорлар.
Сизларни 20 август – Тадбиркорлар куни муносабати билан ўзим ва туман ҳокимлиги номидан муборакбод этаман.
Шу ўринда давлатимиз раҳбари Президентлик фаолиятининг илк кунларидаёқ тадбиркорларни ҳар томонлама қўллаб-қувватлаш, уларнинг самарали фаолият кўрсатишлари учун барча шарт-шароитларни яратишга катта эътибор қаратганини яна бир бор эслатиб ўтмоқчиман.
Зеро, юртимизда тадбиркор кўпайса халқ ҳам, давлат ҳам бой бўлади, янги-янги иш ўринлари яратилади, жамият ривожланади, юрт тараққий этади.
Сўнгги беш йилда тадбиркорлик субъэктларининг сони қарийб 3 бараварга ошгани фикримиз исботидир. Албатта, соҳага бу даражада катта эътибор қаратилаётгани бежиз эмас.
Ҳурматли тадбиркорлар, ҳалол меҳнатингизни, янги тажрибаларни ўзлаштиришга хайрихоҳлигингизни қадрлаган ҳолда Сизларни ушбу сана билан яна бир бор табриклайман.
