Ромитан тумани “Зарафшон” маҳалла фуқаролар йиғини “Навбаҳор” кўчасида истиқомат қилувчи Яйра Азимовага янги ва замонавий кўп қаватли уй-жойни рамзий калити туман ҳокими Умеджон Барноев томонидан тантанали равишда топширилди.
Тантанали топшириш жараёнида Бухоро вилоят ҳокимлиги бошқарув аппарати болаларни ҳимоя қилиш масалалари котибият мудири М.Ярашов, Миллий гвардия Бухоро вилояти бошқармаси тарбиявий мафкуравий ишлар бўлими катта офицери майор О.Холматов, туман ҳокимлигининг болаларни ҳимоя қилиш шўъбаси мудири Ф.Шодиев, туман халқ таълими бўлими мудири Х.Зикриллаев, туман ҳокими ўринбосарлари ҳамда жамоатчилик вакиллари иштирок этди.
Бугун “Афросиёб” маҳалла фуқаролар йиғинида қад кўтарган, барча қулайликларга эга бўлган кўп қаватли уйларнинг бири Яйра ва унинг синглиси Жасминага насиб этди. Ушбу ёшлар 2019 йили ота-онасидан бевақт ўлим сабабли ажралган эди.
