Президентимизнинг шу йил 18 март куни тиббиёт соҳаси вакиллари билан ўтказган очиқ мулоқотида белгилаб берилган вазифалардан келиб чиққан ҳолда Ромитан тумани марказидан узоқда жойлашган қишлоқларда ихчам ва қулай тиббиёт масканлари очилиши давом этмоқда.
Аҳолига тиббий хизматни юксалтириш мақсадида бугун, 1 август куни Ромитан тумани 1-секторга қарашли “Самосий” маҳалласида “Маҳалла тиббиёт пунктининг” очилиш маросими бўлиб ўтди.
Тадбирда туман ҳокими ўринбосари Фузулий Саломов, туман Тиббиёт бирлашмаси бошлиғи Жамшид Тохиров, маҳалла ходимлари ва кенг жамоатчилик вакиллари маҳалла нуронийлар иштирок этди. Маросимга йиғилганлар мамлакатимиздаги тинчлик-осойишталик, тўкин-сочинлик ва фаровонлик учун Яратганга шукроналар келтирдилар.
Ушбу тиббиёт шаҳобчалари (контейнер)нинг фойдаланишга топширилиши аҳолининг узоғини яқин қилди.
Тиббиёт пунктларида электр, сув, канализация тармоқлари улаб берилган, қишда иссиқ, ёзда салқинлиги учун ҳам ҳеч қандай муаммоларга ўрин йўқ.
