Аҳолига қулайлик яратиш мақсадида 7-8 февраль кунлари Ромитан туманидаги “Қалайчорбоғ”, “Муғонча” ва “Челонғу” маҳалла фуқаролар йиғинларида туман ҳокимлиги ташаббуси билан “Ромитан Элга хизмат” МЧЖ томонидан ташкил этилган кўчма савдо ярмаркалари аҳолини қиш ва баҳор мавсумида асосий озиқ-овқат ва қишлоқ хўжалиги маҳсулотлари билан узлуксиз таъминлашга хизмат қилмоқда.
Ярмаркада истеъмол ёғи, картошка, пиёз ва гўшт каби озиқ-овқат маҳсулотлари кўчма савдо дўконлари орқали пешма-пеш маҳалла аҳолисига қулай нархларда сотилмоқда.
Ташкил этилаётган ярмаркаларда нарх-наво барқарорлиги, маҳсулотлар сифатлилиги туман ҳокимлиги,сектор раҳбарлари, прокуратура ҳамда Иқтисодий жиноятларга қарши курашиш Департаменти туман бўлими ходимлари томонидан алоҳида назоратга олинган.
