Янги йил байрами яқинлашгани сари бозорлардаги маҳсулотлар нархи ўсиши ҳолати кўп кузатилади. Бундай вазиятда аҳолига қулайлик яратиш мақсадида махсус савдо ярмаркалари ишга тушурилди. Ромитан туманидаги “Ромитан деҳқон бозори” атрофида ташкил қилинган янги йил олди ярмаркаси ўтказилмоқда.
Бугун, 18 декабрь куни Ромитан тумани ҳокими Умеджон Барноев “Ромитан деҳқон бозори”да Янги йил байрамолди ярмаркасини бориб кўрди.
Ярмарка пештахталаридан аҳоли учун зарур бўлган арзон нархлардаги мева-сабзавот, мол, қўй ва товуқ гўштлари, балиқ, тухум, шакар, колбаса ва пишлоқлар, қандолат маҳсулотлари ва шарбатлар ўрин олган.
Туман ҳокими ташкил этилган ярмаркани айланиш давомида мутасаддилар, сотувчи ва харидорлар билан мулоқотда бўлди, расталардаги нарх-наво билан қизиқди.
Бозорларда нархлар барқарорлигини сақлаш бўйича комплекс чора-тадбирларни амалга ошириш бўйича амалга оширилган ишлар назорати ва сўрови кучли бўлишини таъкидлади.
Шунингдек, бозор ҳудудида жамоат ҳавфсизлиги, ободонлаштириш ишлари, озода ва покизаликни таъминлаш, чиқиндилардан тозалаш, янада обод қилиш чоралари кўрилди.
