Президент Шавкат Мирзиёев Қашқадарё вилоятига ташрифи давомида Бешкент шаҳридаги 12-мактабга кириб ўтган. Ҳолат эса ўта ачинарли даражада бўлган.
Мактаб ўтган йили капитал таъмирдан чиққан экан. Лекин жихозлар ҳали ҳам етказиб берилмаган. Видеодаги ҳолат бўйича хулоса қилинса, таълим муассасаси ҳудудини чиққиндихонага тенглаштирса бўлади.
Лавҳани шарҳлаётган мухбирнинг айрим гапларига қўшилмайман, аммо видеони кўриб, бу мактабда техник ходимлар ҳам ишламасмикан деган тасаввур пайдо бўлди.
Ўқитувчиларга эмас техник ходимларга ҳудудлар бўлиб берилиб, ҳар куни оз-оздан мактаб ҳудуди тозалатиб турилганда эди мактаб маъмурияти давлат раҳбарининг олдида бунчалик абгор ҳолга тушмасди балки.
Яқинда биз бориб кўрган мактаблар оддий мактаблар эди. (1, 2, 3) Капитал таъмир ҳам қилинмаган. Лекин у мактабларда ўзгача файз бор эди. Мактаб кўриниши ҳам жамоадаги аҳилликни кўрсатиб беради аслида.
