2023 йил 20 январь куни соат 17:00 ларда Пешку тумани Қудратшех қишлоғида яшовчи 1991 йилда туғилган О.О. жамоат жойи ҳисобланган қишлоқнинг футбол ўйингоҳида жамиятда юриш туриш қоидаларини қасддан менсимасдан, ўзига илгаридан таниш бўлмаган 1981 йилда туғилган С.Т. билан ҳеч бир сабабсиз жанжаллашиб, уни уриб, суд тиббий экспертизасининг хулосасига кўра «чап ёноқ суягининг синиши билан давом этган ёноқ соҳасида қонталаш, ияк соҳасида яра, чап кўз қовоқларида қонталаш ва чап кўз склерасида қон қуйилиши» билан боғлиқ қасддан баданга ўртача оғир турдаги тан жароҳатини етказиб, безорилик жиноятини содир қилган.
Мазкур ҳолат юзасидан туман ИИБ томонидан Ўзбекистон Республикаси Жиноят Кодексининг 277-моддаси 2-қисми билан жиноят иши қўзғатилиб, ҳозирги кунда дастлабки тергов ҳаракатлари олиб борилмоқда.
