Бугунги кунда туман аҳолиси учун муносиб шарт-шароитлар яратиш, инфратузилма ҳолатини яхшилаш борасида Вобкент туманида ҳам самарали ишлар олиб борилмоқда.
Жумладан туман марказида жойлашган “Наврўз” боғининг қайта реконструкция қилиниши ҳам Мустақиллигимизнинг 31 йиллиги муносабати билан халқимизга муносиб совға бўлмоқда. Айни вақтда ушбу сўлим боғда Вобкент туман йўллардан фойдаланиш унитар корхонаси ишчилари томонидан боғнинг барча кириш ва чиқиш йўлакларига умумий 5700 кв. метр майдони шағаллаштирилиб,асфалть ётқизиш ишларига тайёргарлик кўрилмоқда. Бу эса халқимизнинг дам олиши учун, юрт фаровонлигини таъминлашда муҳим омил бўлмоқда. Биргина Вобкент туманида бу борада олиб борилаётган ибратли ишлар мисолида ҳам юқоридаги фикримиз янада ойдинлашади.
