Бухоро давлат педагогика институти ректори Баҳодир Маъмуров ва Навоий давлат педагогика институти ректори Баҳодир Собиров ўртасида амалга оширилган келишув меморандумида икки олий таълим муассасаларида биргаликда илмий изланишлар олиб бориш, дастурлар доирасида илмий изланувчилар ва ходимлар алмашиш, фан, таълим вакиллари ва амалиётчиларнинг биргаликдаги тадбирларини ташкиллаштириш, олийгоҳларда ташкил этилаётган илмий тадбир ҳақида иккинчи томонни хабардор этиш ва қатнашиш учун таклиф этиш асосида масалаларини йўлга қўйиш ҳақида келишиб олинди.Навоий давлат педагогика институти ректори Баҳодир Собиров Бухоро давлат педагогика институтига ташрифи доирасида олийгоҳ ҳаёти билан яқиндан танишди. Бухоро давлат педагогика институти ректори Баҳодир Маъмуров бошчилигида меҳмонлар институтнинг Ҳарбий таълим факультети биноси, ўқув жараёнлари, маънавий-маърифий ишлар ҳамда талабалар турар жойи ва ундаги шароитларни кўздан кечиришди.
