Мамлакатимизда инсон манфаатлари олий қадрият даражасига кўтарилган. Бугун барча давлат идоралари фаолиятида аҳолининг мурожаатлари билан ишлаш бўйича сифат жиҳатидан мутлақо янги тизим яратилди. Жойларда ўтаётган сайёр ва оммавий қабуллар халқнинг дардини эшитиш, уларнинг муаммоларини ҳал этишда, шак-шубҳасиз, кутилган натижаларни бермоқда.
Аҳоли муаммолари билан ишлашнинг маҳаллабай тизими ҳар бир масалага чуқурроқ ёндошиш ва уларни жойида ҳал қилиш имконини бермоқда.
Хонада ўтириб иш битирадиган замонлар ўтиб кетди. Айни пайтда манзилнинг ўзида фаолият ташкил этилмас экан, ҳеч қандай ижобий натижага эришиб бўлмайди.
Бугун бўлиб ўтган оммавий қабулда ҳам фуқаролар томонидан келиб тушган мурожаатларни жойида ҳал этиш мақсадида Вобкент туман ҳокими Ф.Умаров бошчилигида туман ДСИ раҳбари О.Муқимов, Халқ қабулхонаси мудири Л.Шарипова ва туман ҳокимлиги вакиллари ҳам ҳар бир масала юзасидан аҳоли мурожаатларини ўрганиш мақсадида тумандаги “Шакаркент” МФЙ ҳудудида ўқув маркази очишда бино таъмири ва жиҳозлари учун кредит олишда ёрдам сўраб қилган мурожатини жойига бориб ўрганишди ва қонунчилик доирасида кредит ҳужжатларини тайёрлашда амалий ёрдам бериш чоралари кўрилди.
Навбатдаги мурожаатлар шу маҳалладаги Бойлик қишлоғида турувчи фуқаролардан қўшимча симёғоч ўрнатиб бериш ва хонадон деворларига яқин келиб қолган электр кабелларини хавсиз ҳолда симёғочга улаб бериш, хонадонларга интернет тармоқларини ўтказиш тўғрисида бўлиб, Ҳудудий электр тармоқлари ва “Узтелеком” мутасаддиларга муаммоларни бартараф этиш борасида туман ҳокими Ф.Умаров томонидан топшириқлар берилиб, муддатлар белгиланди.
