Вобкент туманидаги Ниёзхўжа МФЙ 2000 нафардан ошиқ аҳоли истиқомат қилади. Шу кунгача МФЙ да тиббиёт муассасаси мавжуд бўлмаганлиги сабабли аҳоли бирламчи тиббий хизмат олиш учун туман марказигача боришга мажбур бўлар эди.
Тиббиёт соҳасидаги ислоҳотлар самараси ўлароқ бирламчи тиббий хизмат олиш даражасини аҳолига яқинлаштириш мақсадида мазкур МФЙда “Маҳалла тиббиёт пункти” ташкил қилинди.
Тиббиёт пункти зарур лаборатор ва керакли дори-дармонлар билан тўлиқ таъминланиб, аҳолига шу ернинг ўзида тиббий хизмат кўрсатиш имкониятини яратди. Ўз ўрнида тумандаги олис ва чекка ҳудудларда жами 6 та Маҳалла тиббиёт пунктлари фойдаланишга топширилиши режалаштирилган.
Бу ерда нафақат келиб-кетувчилар, балки фаолият олиб борадиган 30 нафар тиббиёт ходимларининг самарали иш юритишлари учун ҳам зарур шарт-шароитлар яратилган.
