Шофиркон тумани Гулистон МФЙ раиси ва ҳудуднинг ҳоким ёрдамчиси бошчилигида бир неча йиллик мевали дарахтлар ноқонуний кесилганлиги бўйича эълон қилинган мурожаат Шофиркон туман Экология ва атроф-муҳитни муҳофаза қилиш бўлими инспекторлари томонидан мурожаат жойида бориб ўрганилди.
Ўрганишда Гулистон маҳалласида яшовчи 2 нафар фуқаро ички йўлни асфальтлаштириш мақсадида ўзбошимчалик билан 2 туп тол дарахтини кесганлиги аниқланди.
Ушбу ҳолат юзасидан фуқароларга нисбатан Ўзбекистон Республикаси МЖтКнинг 79-моддаси 1-қисми билан маьмурий баённома расмийлаштирилиб, 3 000 000 сўм жарима белгиланди ҳамда 3 000 000 сўм табиатга етказилган зарар ҳисобланди
Шунингдек, кесилган дарахт ўрнига фуқаролар ўз ҳисобидан 70 туп (арча) дарахт кўчатларини ўтқазди.
Бухоро вилоят Экология бошқармаси матбуот хизмати
