2023 йил 29 ноябр куни М.В. Ломоносов номидаги Москва давлат университети ректори В.А. Садовничий ва Бухоро давлат педагогика институти ректори Б.Б. Маъмуров томонидан илмий тадқиқот ишларини ривожлантириш ва таълим сифатини ошириш тўғрисида ўзаро ҳамкорлик шартномаси имзоланди.
Мазкур шартномага мувофиқ ҳар иккала олий таълим муассасалари ўртасида илмий-амалий ҳамкорликни ривожлантириш, бакалавр йўналишлари ва магистратура мутахассислиги бўйича қўшма таълим дастурлари имкониятини кенгайтириш, талабалар ва профессор-ўқитувчиларнинг ўзаро алмашинуви, профессор-ўқитувчиларнинг стажировка ва малака ошириши, ҳамкорликдаги илмий-тадқиқотлар, илмий ва таълимий лойиҳалар, дарсликлар, монография, ўқув-услубий қўлланмалар яратиш, мақолалар чоп этиш, илмий конференция, семинарлар ташкил этиш, таркибий тузилмадаги ўзгаришлар ўртасидаги ҳамкорликни кенгайтириш, ўқув жараёнини ташкил этиш ва бошқариш соҳасида тажриба алмашиш, халқаро ҳамкорлик дастурларида биргаликда иштирок этиш, талабалар учун мутахассислик фанларидан маъруза машғулотлари ва курсларини мунтазам ташкил этиш вазифалари белгилаб олинди.
