Кредит қарздорлиги суд тартибида ундирилмоқда

 
Юртимизда тадбиркорларга алоҳида эътибор қаратилиб, кредитлар ажратилмоқда. Бироқ, айрим тадбиркорлар томонидан олинган кредитлар ўз вақтида қайтарилмаганлиги сабабли суд тартибида ундирилмоқда.
Фуқаролик ишлари бўйича Ромитан туманлараро судининг 20.12.2024 йилдаги ижро варақасига асосан қарздор “BBB Bek Trade” МЧЖдан “Агробанк” АТБ Жондор туман филиали фойдасига жами 1 млрд. 839,9 млн. сўм кредит карздорлиги ундиришни, ундирувни гаров мулки ҳисоблаган қарздорга тегишли Жондор туман “Кўлиён” МФЙда жойлашган молхона биноларига ҳамда 2021 йилда ишлаб чикарилган, “LADA-4Х4” русумли ва 2020 йилда ишлаб чикарилган, “HYUNDAY TUCSON IX 35 FL” русумли автотранспорт воситаларига қаратиш белгиланган.
Суд ҳужжати Бюронинг Жондор туман бўлими иш юритувига келиб тушган ҳамда ижро иши юритишни қўзғатиш тўғрисида қарор қабул қилиниб, ижро ҳаракатларига киришилган.
Қарздорга ижро ҳужжати мазмун-моҳияти таништирилиб, бартараф этиш учун ихтиёрий муддат берилган. Бироқ, ижро ҳужжати талабалари бажарилмаган.
Олиб борилган ижро ҳаракатлари давомида гаров мулки ҳисобланган “LADA-4Х4” русумли ва “HYUNDAY TUCSON IX 35 FL” русумли автотранспорт воситалари туман ҳудудида аниқланиб, белгиланган тартибда вақтинча сақлаш учун жарима майдончасига жойлаштирилган ҳамда тегишли тартибда  хатланган.
Мавжуд кредит қарздорлигини бартараф этиш учун қарздорга муддат берилиб, бартараф қилинмаган тақдирда, гаров мулклари ҳисобланган кўчмас мулклар ва автотранспорт воситалари реализация қилиш учун онлайн-аукцион савдоларига чиқарилиши ҳақида расман огоҳлантирилган.
Ҳозирда, ижро ҳаракатлари давом эттирилмоқда.
 
         Бюронинг Бухоро вилоят бошқармаси