“Hamkorbank” АТБ Бухоро филиали ходимлар иштирокида ўқув-семинари ўтказилди
9 декабрь — Халқаро коррупцияга қарши кураш кунига бағишланган Аксилкоррупция ҳафталиги доирасида “Hamkorbank” АТБ Бухоро филиали ходимлар иштирокида ўқув-семинари ўтказилди.
Тадбирда сўзга чиққанлар томонидан таъкидланганидек, бугунги кунда коррупция фуқароларнинг ижтимоий адолатга, давлат органларига нисбатан ишончини сусайтиради, давлатнинг иқтисодий ўсишига салбий таъсир кўрсатади, қолаверса, жамиятдаги маънавий муҳитни бузилишига олиб келади.
Коррупция — мансабдор шахслар томонидан давлат ҳокимияти ёки бошқаруви ваколатларидан фойдаланган ҳолда шахсий манфаатларни ёки бошқа шахслар манфаатини кўзлаб содир этиладиган жиноятлар йиғиндиси эканлиги, айни дамда коррупцияга қарши курашиш барча давлат ва жамоатчилик ташкилотлари ҳамда молиявий муассасаларда устувор вазифага айланганлиги борасидаги кенг фикр-мулоҳазалар билдирилди.
Коррупцияга қарши курашиш соҳасида олиб борилаётган муҳим ташкилий-ҳуқуқий ислоҳотлар, шунингдек ходимларнинг коррупцияга нисбатан муросасиз муносабатини шакллантириш, ҳуқуқий онги ва ҳуқуқий маданиятини юксалтириш ҳамда коррупцияга йўл қўймасликни таъминлаш, коррупциянинг ҳар қандай кўринишига муросасиз муносабатда бўлиш, манфаатлар тўқнашуви ва коррупцияни келтириб чиқарувчи хатти-ҳаракатларни содир этмаслик, ходимларнинг мансаб ёки лавозим мажбуриятларини бажаришда манфаатлар тўқнашувига олиб келадиган ёки олиб келиши мумкин бўлган шахсий манфаатдорлигига йўл қўймаслик, манфаатлар тўқнашуви ёки коррупциявий ҳолатлар ҳақида ҳар қандай маълумотлар тўғрисида ўз раҳбарига ва бош банк комплаенс назорат департаментига хабар бериш, одоб-аҳлоқ қоидаларига қатъий риоя этиш, соҳага оид норматив хужжатларни тўлиқ билиш ва уларга амал қилиш лозимлиги таъкидланди.
Шунингдек, филиал ходимларининг одоб-ахлоқ қоидалари ва мажбуриятлари тўғрисида ҳам тўхталиб, ўз хизмат вазифаларини виждонан, юксак касбий даражада, ўз вақтида ва сифатли бажариш ҳамда лавозим ваколатлари доирасида амалга ошириш, ўз хизмат вазифаларини бажаришда шахслар, гуруҳлар ёки ташкилотларга ён босмаслик, ўз хизмат вазифаларини бажаришга тўсқинлик қилувчи шахсий, мулкий ва бошқа манфаатларнинг таъсири билан боғлиқ бўлган хатти-ҳаракатларга барҳам бериш, ўзларининг хизмат вазифаларини виждонан бажаришда шубҳа пайдо қилиши мумкин бўлган хулқ-атвордан ўзини тийиш, шунингдек ўз обрўсига ёки банкнинг нуфузига зарар етказишга сабаб бўлган вазиятларга йўл қўймаслик кераклиги айтиб ўтилди.
“Hamkorbank” АТБ Бухоро филиали
