23 cентябр куни номаълум шахс, Когон тумани Ўзбекистон маҳалласида яшовчи, 1975 йилда туғилган фуқаронинг яшаш уйига ҳеч ким бўлмаганлигидан фойдаланиб ғайриқонуний равишда кириб, ётоқхонасидан, 2.200.000 сўм пулларини ва жами баҳоси 55.400.000 сўмлик тилла тақинчоқларини ўғирлаб ҳодиса жойидан яширинган.
Мазкур ҳолат юзасидан туман ИИБ томонидан номаълум шахсга нисбатан Ўзбекистон Республикаси Жиноят Кодексининг 169-моддаси 2-қисми билан жиноят иши қўзғатилиб, олиб борилган тезкор-техник ва суриштирув ҳамда тергов ҳаракатлари давомида ушбу жиноятни Когон тумани «Хўжабарги» маҳалласида яшовчи, 2008 йилда туғилган вояга етмаган шахс содир қилганлиги аниқланган.
Ҳозирги кунда ушбу шахсларнинг бошқа худди шу турдаги фош этилмасдан қолаётган жиноятларга алоқадорлигини аниқлаш юзасидан тергов ҳаракатлари давом эттирилмоқда.
