Мазкур ҳолат бўйича Когон туманида жойлашган 2-МТТ ходимларининг жорий йилнинг 26 апрель куни туман ҳокимлигига қилган мурожаатлари асосида туман ҳокимлиги томонидан ишчи гуруҳ тузилиб, масъуллар томонидан ўрганиб чиқилган. Қўпол хатоликка йўл қўйганлиги учун, 2-МТТ раҳбари ва унинг ходимларига нисбатан қонуний чора кўриш бўйича ишчи гуруҳ якуний хулосаси берилган.
Шунингдек ходимнинг бу борада вилоят мактабгача ва мактаб таълими бошқармасига ёзма тарзда қилган мурожаати жорий йилнинг 1- май куни бошқарма масъуллари томонидан ўрганиб чиқилган.
Ўрганиш натижаларига кўра, жамоада соғлом муҳит яратиш, ходимлар орасидаги ҳамжиҳатликни таъминлаш ва уларнинг ўз хизмат вазифаларини виждонан бажаришларини назорат қилишда эътиборсизликка йўл қўйганлиги учун ташкилот директорига ҳамда ўз лавозим мажбуриятларини бажаришда лоқайдлик қилган хўжалик ишлари мудирига нисбатан «Ҳайфсан» интизомий жазоси қўлланилган. Ташкилот ҳамшираси ва ошпази билан тузилган меҳнат шартномаси бекор қилинган.
Куни кеча, 5 июль куни масъуллар томонидан ўтказилган такрорий ўрганишлардан сўнг ташкилотнинг хўжалик ишлари бўйича мудири мазкур ташкилот хўжалик ишлари бўйича мудири лавозимидан озод қилинди. Мурожаатда келтирилган бошқа важлар тасдиғини топмади.
Видеомурожаатда келтирилган қонунга хилоф тарзда амалга оширилган ҳолатлар юзасидан Когон туман ИИБ томонидан терговга қадар текширув ҳаракатлари олиб борилмоқда.
Когон туман ҳокимлиги ахборот хизмати
