Номаълум шахс Когон тумани «Янгиҳаёт» маҳалласидаги «Шодиев Шарофбобо фермер хўжалиги» дала майдонида қаровсиз қолдирилган бошқа бир фуқарога тегишли, баҳоси 13.000.000 сўм бўлган бир бош қорамолни яширин равишда ўғирлаб кетган.
Мазкур ҳолат юзасидан номаълум шахсга нисбатан жиноят иши қўзғатилиб, олиб борилган тергов ҳаракатлари давомида ушбу жиноятни туманнинг «Янгиҳаёт» маҳалласида яшовчи Қ.О. исмли шахс содир қилганлиги аниқланган.
Ҳозирда ушбу шахснинг бошқа худди шу турдаги фош этилмасдан қолаётган жиноятларга алоқадорлигини аниқлаш юзасидан тезкор суриштирув ҳамда тергов ҳаракатлари давом эттирилмоқда.
