Когон тумани “Сухор” МФЙ ҳудудида истиқомат қилувчи фуқаролар номидан мурожаат

 
Жорий йилнинг 10 апрель куни Когон тумани “Сухор” м.ф.й.да жойлашган “Сухор” қабристони ён тарифида жойлашган захкашни ушбу ҳудудда фаолият олиб бораётган тадбиркорлар: “Янги сарой” тўйхонаси ҳамда “Бек тепа” ресторанлари раҳбарлари захкашни кўмиш орқали  ўз ҳудудини кенгайтираётгани, бунинг натижасида захкашни қазиш учун ҳимоя ҳудуди қолмаганлиги ҳамда зах сувлари йиғилиб қолаётганлиги юзасидан мурожаат қилинган эди. Ушбу мурожаатни қонуний кўриб чиқиш ҳамда захкашнинг ҳимоя ҳудудида қурилган ноқонуний қурилишни бартараф этиш учун масъул ташкилотлар: Бухоро вилоят хокими Б.Зарипов, Когон туман хокими О.Қазоқов, Когон туман прокурори С.Шарипов, Аму-Бухоро ирригация тизимлари хавза бошкармаси бошлиги Э.Файзиллоев, Давлат кадастрлар палатаси Бухоро вилоят бошкармаси бошлиги Х.Бакоев, Бухоро вилоят экология ва атроф-мухитни химоя килиш бошкармаси бошлиги А.Бобоевлардан сўраб қолган эдик.
Мазкур мурожаат юзасидан BUKHARA NEWS телеграм каналига “Аму-Бухоро” ирригация тизимлари ҳавза бошқармаси ҳузуридаги мелиоратив экспедиция масъулларининг Расмий муносабатида амалдаги қонунчилик талабларига зид равишда ёлғон кўрсатма ва маълумотлар тақдим этилган.
Жумладан, Расмий муносабатда тақдим этилган Ўзбекистон Республикаси Қурилиш ва уй-жой коммунал хўжалиги вазирлиги томонидан 2023 йил 6 июнда берилган  “Бино ва иншоотларни реконструкция қилиш ҳамда ўз ҳудудида қўшимча бино ва иншоотларни қуриш учун Рухсатнома”да қурилиш ишлари ўз ҳудудида амалга оширилиши белгиланган хамда такдим этилган бинонинг ген планида кизил чизик уз бошимчалик билан чизилган ва туман архитектори томонидан тасдикланмаган.
Шунингдек, захкашнинг 5 метр ҳимоя ҳудуди мавжудлиги қайд этилган. Аслида ушбу ҳудуд 5 метр чиқмаслиги ҳамда ушбу ҳудуд захкашни кўмиш орқали тайёрланган.
Яна шуни ҳам эслатиб ўтмоқчимизки, ушбу захкаш нафақат “Сухор” қабристонидаги зах сувларини чиқариш учун, балки, “Саид Амир Кулол” қабристонидаги зах сувларини чиқариш учун ҳам хизмат қилади.
Бухоро вилоят хокими Б.Зарипов, Когон туман хокими О.Қазоқов, Когон туман прокурори С.Шарипов, Аму-Бухоро ирригация тизимлари хавза бошкармаси бошлиги Э.Файзиллоев, Давлат кадастрлар палатаси Бухоро вилоят бошкармаси бошлиги Х.Бакоев, Бухоро вилоят экология ва атроф-мухитни химоя килиш бошкармаси бошлиги А.Бобоевлардан ушбу мурожаатни қонуний кўриб чиқилишини ҳамда Расмий муносабатда ёлғон маълумотлар чиқарилишини олдини олинишини сўраб қоламиз.