Каналимизга Бухоро ўрмон хўжалик ишчилари устидан шикоят тарзида қилинган мурожаат ўрганиб чиқилди

Ушбу мурожаат ўрмон хўжалиги Бошқармаси  томонидан ўрганиб чиқилиб, қуйидагича муносабат билдирилади:
  Пешку туманида яшовчи фуқаролар  Худоёров Бешим, Қазоқов Фахриддинлар 2022 йил 24 ноябр куни  ўрмон қонунбузарлиги содир қилиб, саксовул дарахтини ноқонуний  кесиб, араваларда олиб келаётганида ўрмон хўжалиги ходимлари Аминов Одилбек томонидан ушланган ва ашёвий далил сифатида 2 та арава ва саксовул ўтини олиб қўйилиб, яқин жойлашган фермер хўжалиги гаражига қамаб қўйилган.  Ўрмон қонунбузарлари ўз шахсини таништирмаганлиги сабабли баённома расмийлаштириш имконияти бўлмаган, Ўрмон қўриқчилари томонидан ўрмон қонунбузарлари Худоёров Бешим, Қазоқов Фахриддинларга нисбатан ҳеч қандай зўровонлик ўтказилмаган, тан жароҳати етказилмаган, ўрмончилар томонидан араваларни жарима майдончасига олиб келиш имконияти бўлмаганлиги ҳамда ўрмон қонунбузарларининг оилавий шароити  жуда оғирлиги тўғрисидаги илтимосларига асосан 2022 йил 27 ноябрь куни  саксаул ўтини гаражга тушириб қолдирилиб,  аробалари эгаларига бериб юборилган.
         Видео тасвирда кўрсатилган шахсларнинг биронтаси ўрмон хўжалигига алоқаси йўқ, иккита бегона шахснинг мол савдосидаги пул санашлар устида гапирилган сўзларни фуқаро  Худоёров Бешим ароба сўзларига боғлаб видео тасвирга олган.
         Ўрмон қонунбузари Б.Худоёров  воқеага умуман алоқаси бўлмаган Пешку туманида яшовчи фуқаро Расул Эгамовга мурожаат қилиб, бир қанча важ ва бўхтонлари билан ўрмончиларга нисбатан чора кўрилишида амалий ёрдам сўраган, Расул Эгамов  унинг важларига асосланиб, ўрмончилар Шавкат, Одилбек ва Лазизларга 30 млн сўм эвазига масалани ёпилишини айтиб, ўрмончилардан  товламачилик йўли билан 30 млн сўм пул талаб қилган.
       Ўрмон қўриқчиси Аминов Одилбек Расул Эгамовнинг  товламачилик йўли билан 30 млн сўм сўраётганлиги тўғрисида   Пешку туман Ички Ишлар Бошқармасига  ариза билан мурожаат қилган.           
           Ушбу ҳолат бўйича тегишли давлат идоралари томонидан суруштирув ишлари олиб борилмоқда, натижаси бўйича қўшимча маьлумотлар тақдим этилади.