Бугун вилоят 4-сектор раҳбари Когон шаҳар ҳокимлиги биносида Когон шаҳар Когон ҳамда Қоровулбозор тумани фуқаролари учун оммавий сайёр қабул ўтказди.
Бугунги кунда аҳолини қийнаётган ташвиш ва муаммоларини ўрганиш, улардан тушаётган мурожаатларни тинглаш ва жойида ечим топиш – одамларни рози қилишдек хайирли ишларни амалга ошириш секторларнинг олдида турган энг асосий мақсадларидин биридир.
Айни шу мақсадда ўтказилган сайёр қабулда 30 нафардан ортиқ фуқароларнинг турли мазмундаги мурожаатлари тингланиб, сектор раҳбари томонидан назоратига олинди.
Когон тумани «Ҳукуматобод» маҳалла фуқаролари йиғинида истиқомат қилувчи Ахад Саидов сайёр қабулда сектор раҳбарига маҳаллани тоза ичимлик суви билан таъминловчи қувири носоз аҳволга келиб қолганлиги ҳамда уни таъмирлашга амалий кўмак беришларини сўраб мурожаат қилди. Унинг мурожаати сектор ишчи гуруҳи томонидан атрофлича ўрганилиб керакли маблағ ажратилгандан сўнг тез кунларда ичимлик суви қувири таъмирланиб, ёки бўлмаса қувирлар янгисига алмаштириладиган бўлди.
Сайёр қабулда нафақат Когон ҳамда Қоровулбозор туманларидаги фуқаролар балки Бухоро шаҳар фуқаролари ҳам иштирок этдилар.
Гуландон Фармонова 30 йилдан буён Бухоро шаҳар «Фурқат» кўчасида истиқомат қилиб келаётганди. Унинг хонадони бузилишга тушиб ўрнига кўп қаватли уй-жой кўтарилди. Ачинарлиси, 5 йил бўлибдики унга қурувчи томонидан вада қилинган компенсация пуллари шу кунга қадар тўлаб берилмаганди.
Ижарама-ижара сарсон бўлган фуқаро тегишли ташкилотгарга мурожаатлар қилди. Вилоят ҳокими ушбу мурожаатни шахсан назоратига олиб мурожаатчининг муаммосини вилоят 4-сектор раҳбарига йўналтирди. Сектор раҳбари зудлик билан мурожаатни ўрганиб Гуландон Фармоновага қурувчи томонидан тўланиши керак бўлган 360 миллионга яқин компенсация пуллари қонуний тарзда ундириб берилди.
Шу куни сайёр қабулда шу каби фуқаролар томонидан электр энергияси, ишсизликни бартараф этиш, қишлоқ ички йўлларини таъмирлаш, даволаниш, ишга жойлашиш, моддий ёрдам, тадбиркорлик, уй-жой ажратиш юзасидан масалалар кўтарилди.
Ҳар бир мурожаат тегишли соҳа масъуллари иштирокида кенг муҳокама қилиниб, уларни ҳал этиш чоралари кўрилди. Аксарият мурожаатлар жойида ўз ечимини топди. Қолган мурожаатлар бўйича муддат белгиланиб, ижроси вилоят 4-сектор раҳбари томонидан назоратга олинадиган бўлди. Шунингдек, фуқарроларга мурожаатлар юзасидан ҳуқуқий тушунтиришлар берилди.
