“Йил аёли” миллий танловида 35 ёшдан юқори бўлган, Ўзбекистон Республикасида ўз йўналишлари бўйича фаолият билан камида 5 йил мобайнида узлуксиз шуғулланиб келиб, корхона, ташкилот, муассасаларда меҳнат қилаётган ҳамда уй бекалари бўлган хотин-қизлар иштирок этишлари мумкин.
Танлов уч босқичда, биринчи босқич: туман ва шаҳар босқичлари бўлиб, иккинчи босқич: ҳудудий — вилоят босқичидир. Учинчи босқич: эса республика босқичини ўз ичига олади.
Танловнинг вилоятимиз бўйича шаҳар, туман ва вилоят босқичлари – жорий йилнинг октябрь-ноябрь ойларида ўтказилади ҳамда республика босқичи эса декабрь ойининг охирги 10 кунлигида тантанали тарзда бўлиб ўтиши режалаштирилган.
Танлов иштирокчилари ҳудудий босқичда қатнашишлари учун:
• ҳар бир иштирокчининг шахсини тасдиқловчи ҳужжат нусхаси;
• танловда иштирок этиш учун ҳудудий босқич Ташкилий қўмита раиси номига иштирокчи томонидан имзоланган ариза;
• танлов иштирокчисининг махсус сўровнома шакли;
• ўз фаолиятини акс эттирувчи маълумотлар, кўргазмали материаллар;
• диплом ҳамда турли сертификатлари нусхалари;
• иш жойидан ва уй бекалари учун эса яшаш маҳалласи хотин-қизлар фаолидан тавсифнома,
• ўзи, оиласи, жамиятда тутган ўрни, ҳудудидаги фаоллиги ҳақида тақдимот,
• танлаган йўналиши бўйича фаолиятини очиб берувчи 3 дақиқалик видеоролик каби ҳужжатларни тақдим этишлари лозим бўлади.
Шунингдек, мазкур танловда иштирокчилар томонидан биринчи – “Ўзини таништириш”; иккинчи – “Савол ва жавоб” ҳамда учинчи – “Замонавий ўзбек аёли” мавзусида 3 дақиқали видеоролик тақдимоти каби шартлар бажарилади.
Бунда, иштирокчилар қуйидаги:
• “Йилнинг энг ватанпарвар аёли”;
• “Йилнинг энг фаол олима аёли”;
• “Йилнинг энг илғор тадбиркор аёли”;
• “Йилнинг энг яхши ижодкор аёли”;
• “Ўз касбининг устаси бўлган йил аёли”;
• “Йилнинг энг кучли маънавий-маърифий тарғиботчиси”;
• “Йилнинг энг яхши уй бекаси”;
• “Йилнинг энг жонкуяр устози”;
• “Йилнинг эн фаол соғлом турмуш тарзи тарғиботчиси”;
• “Йилнинг энг янги ғоялар ташаббускори”
• “Йилнинг энг яхши IT – дастурчи аёли” каби номинациялар бўйича муносиб сараланиб, тантанали тақдирланади.
