Ижтимоий тармоқларга тарқалаётган “АНОНИМ” мурожаатдаги бирорта важ ўз тасдиғини топмади

Ижтимоий тармоқларда  жорий йилнинг 12 май куни “Коррупция ботқоғига ботган Бухоро шифохонаси” мавзусида эълон қилинган мурожаат жамоатчилик томонидан кўрилиб, тарқатиб ҳам улгурилди.  
➡️Ушбу мурожаатни муҳокама қилиш мақсадида 2025 йил 14 майда Республика шошилинч тиббий ёрдам илмий маркази Бухоро филиали жамоаси, ходимлар, Республика шошилинч тиббий ёрдам илмий маркази Бухоро филиали касаба уюшмаси ва Ўзбекистон Республикаси Соғлиқни сақлаш ходимлари Касаба уюшмаси Бухоро вилоят кенгаши билан биргаликда учрашув бўлиб ўтди. Унда мурожаатда кўрсатилган ҳар бир ҳолат ва важлар кўриб чиқилиб, муҳокама қилинди. Муҳокамага сўзга чиққан ва ўз фикр мулоҳазаларини билдирган жамоа аъзолари кўпчиликни ташкил қилди. Сўзга чиққан ходимлар, касаба уюшмаси аъзолари мурожаат тўғрисида кескин фикрларни билдирдилар. 
➡️Жумладан, РШТЁИМ Бухоро филиали ва раҳбарига нисбатан кўрсатилган иддаолар туҳмат ва бўҳтондан иборат эканлиги, М.Ражабовни меҳнат жамоаси 20 йилдан ортиқ вақтдан бери яхши билиши, унинг барча ютуқлари изланувчанлиги, меҳнатсеварлиги, талабчанлиги, ўз устида тинмай ишлаши, оқ кўнгилли эканлиги ва бошқа кўпгина ижобий хислатлари эътироф этилди. 
➡️Филиалда кейинги йилларда амалга оширилаётган бунёдкорлик, ташкилотчилик, ободонлаштириш ишларининг бошида ҳам раҳбар турганлиги ҳеч кимга сир эмаслиги далиллар орқали кўрсатиб берилди. 
Шунингдек, филиалда олиб борилаётган даволаш, диагностика ишлари, ходимларни ривожланган чет эл клиникаларида малака ва тажрибасини ошириб қайтаётганлиги, врачларни ўз устида изланиб, юқори кўрсатгичда илмий даражага эришаётганлиги, кўплаб беморлар, уларнинг яқинлари ҳамда ходимлар учун яратувчанлик ишлари олиб борилаётганлиги, янги замонавий тиббий асбоб-ускуна, аппаратураларнинг киритилаётганлиги, республикада етакчи ўринларда бўлиб жаҳон миқёсида бажариладиган юқори технологик операцияларнинг филиалда қўлланаётганлиги, беморлар учун қулай шарт-шароит яратиш ортидан самарадорликка эришилаётганликда ҳам раҳбарнинг ўрни алоҳида эканлиги сўзга чиққанлар ва жамоа томонидан таъкидланди.         
➡️Филиалда барпо қилинаётган бир-бирини такрорламайдиган замонавий биноларнинг қулай шарт-шароитлари мисоллар орқали кўрсатиб ўтилди. 
➡️Ижтимоий тармоқларда тарқалаётган ушбу танқидий мурожаатнинг асослилиги тегишли юқори ташкилотлар томонидан келиб ўрганилганда, унда кўрсатилган иддаолар ўз тасдиғини топмаганлиги ҳақида билдирилди. 
РШТЁИМ Бухоро филиали жамоаси ижтимоий тармоқларда эълон қилинган туҳмат ва бўҳтонлардан иборат ушбу “Аноним” мурожаатга ишонмаслигини бир овоздан маълум қилди.
 Шу ўринда халқимизга ҳам мурожаат қилиб, ижтимоий тармоқларда эълон қилинаётган ушбу исботини топмаган ва туҳмат ҳамда бўҳтонларга йўғрилган хабарларга ишонмасликка чорлаймиз. 
  Халқимизнинг, беморларнинг шошилинч тиббий ёрдам хизмати тизимига бўлган эҳтиёжини қондиришда аҳил жамоамиз ва фидоий раҳбаримиз билан хизмат қилишга доим тайёрмиз.  
 💢Республика шошилинч тиббий ёрдам илмий маркази Бухоро филиали жамоаси
 💢Республика шошилинч тиббий ёрдам илмий маркази Бухоро филиали Касаба уюшмаси
 💢Ўзбекистон Республикаси Соғлиқни сақлаш ходимлари Касаба уюшмаси Бухоро вилоят кенгаши