Бухоро давлат университетига Италиянинг Ўзбекистондаги Фавқулодда ва мухтор элчиси Агостино Пинна ташриф буюрди. Мартабали меҳмонни мазкур олий ўқув юрти ректори, иқтисодиёт фанлари доктори, профессор Обиджон Хамидов қабул қилди. Қайд этиш жоиз, БухДУ бугунги кунда Италиянинг Падова, Тренто, Тусчиа, Болония, Пиза каби қатор машҳур олий таълим муассасалари билан самарали ҳамкорлик қилиб келмоқда.
Профессор Обиджон Хамидов шериклик алоқалари кўламини кенгайтириш, хусусан, турли йўналишлар бўйича малакали кадрлар тайёрлаш мақсадида Италиядаги нуфузли университетлар мутахассисларини жалб қилиш таклифини билдирди. Шунингдек, учрашувда университетда Италиян тили ва маданияти маркази фаолиятини қайта ташкил этиш борасида келишувларга эришилди.
