Меҳнат кодекси 161-моддаси биринчи қисмида меҳнатга ҳақ тўлаш муддатлари жамоа шартномаси ёки бошқа локал норматив ҳужжатда белгиланади ва ҳар ярим ойда бир мартадан кам бўлиши мумкин эмаслиги қайд этилган. Ушбу норманинг тўртинчи қисмига мувофиқ жамоа шартномасида иш берувчининг айби билан ходимга ҳақ тўлаш белгиланган муддатларга нисбатан кечикканлиги учун жавобгарлик назарда тутилиши мумкин.
Шунга кўра жавобгарлик масаласини(яъни неустойка ёки компенсация)жамоа шартномасидан топиш мумкин.
Шуни ҳам айтиш керакки, бундай вазиятларда иш берувчига нисбатан Маъмурий жавобгарлик тўғрисидаги кодекс 49-моддаси билан (яъни мансабдор шахс томонидан меҳнат ва меҳнатни муҳофаза қилиш тўғрисидаги қонун ҳужжатларини бузиш) базавий ҳисоблаш миқдорининг беш бараваридан ўн бараваригача миқдорда жарима солишга сабаб бўлади. Ушбу вазиятда туман адлия бўлимига мурожаат қилиш лозим.
