Инсон органлари савдоси билан шуғулланган жиноий гуруҳ фош этилди

Тошкент шаҳри, Тошкент, Фарғона, Бухоро ва Қашқадарё вилоятларида фаолият юритган 12 нафардан иборат уюшган гуруҳ аниқланди. ДХХ ва ИИВ маълумотича, улар ижтимоий тармоқлар орқали донор ва беморларни топиб, ҳужжатларни қалбакилаштириб, қўшни давлатдаги хусусий клиникада буйрак ва жигар кўчириб ўтказиш операцияларини амалга оширган.
2023–2025 йилларда 32 нафар беморга орган трансплантацияси қилинган. Олинган пулнинг бир қисми клиника ва донорларга берилган, қолгани гуруҳ аъзолари ўртасида тақсимланган. Жарроҳликдан кейин аҳволи яхшиланмаган беморларга қиммат нархда кучли дори воситалари сотилгани ҳам аниқланган.