Коронавирус пандемияси бутун дунёга хавф солаётган бугунги кунда, юртимизда унинг олдини олиш борасида Президентимиз раҳбарлигида тезкор ва қатъий чоралар кўрилаётир.
Карантин талабларидан келиб чиқиб, амалга оширилиши лозим бўлган ишлар Бухоро вилоятида ҳам изчиллик билан олиб борилмоқда.
Хусусан, Бухоро шаҳрида жойлашган 14 – сон “Ибн Сино” номли маҳалла фуқаролар йиғинида куни кеча маҳаллада коронавирус инфекциясини тарқалишини олдини олиш борасида кўрилаётган чора-тадбирлар ҳамда аҳолининг санитария-эпидемологик осойишталигини таъминлаш учун кўрилаётган ишлар ҳамда Ўзбекистон Республикаси Президентининг 2020 йил 8 июнь куни қабул қилинган ПҚ – 4742 сон “Тадбиркорлик фаолияти ва ўзини ўзи банд қилишни давлат томонидан тартибга солишни соддалаштириш чора-тадбирлари тўғрисида”ги Қарори мазмун моҳияти ва уни ижросини таъминлаш мақсадида йиғилиш бўлиб ўтди.
Унда маҳалла фуқаролар йиғини раиси ва унинг ўринбосарлари, профилактика инспектори ҳамда маҳалла фаоллари иштирок этди.
Йиғилишда мамлакатимизда коронавирус пандемияси қайд этилган кундан бошлаб, у билан курашиш аҳоли орасида тушинтириш ишларини олиб бориш, шунингдек, тадбиркорлик фаолиятини олиб бораётган шахсларга имтиёзлар бериш ва ўзини ўзи банд қилишнии давлат томонидан тартибга солиш юзасидан фикр мулоҳазалар тингланди.
- Аҳоли орасида коронавирус инфекцияси тарқалишига қарши курашиш ва бошқа глобал хавф-хатарлар даврида аҳолини юқумли касалликларга чалинмаслик олдини олиш ва уларни қўллаб-қувватлаш мақсадида,санитария-гигиена қоидаларига риоя қилиш, маска, қўлларни тез-тез совунлаб ювиш, оилавий тантана, тўй, маърака ва маросимларни чеклаш каби тушунтириш ишлари олиб борилмоқда, -дейди маҳалла профилактика инспектори Аббос Жумаев. Ўз навбатида карантин даврида оилавий тантана, тўй, маърака ва маросимларни ўтказишнинг белгиланган талабларини бузган шахслар эпидемияларга қарши кураш қоидаларини бузганлик учун Ўзбекистон Республикаси МЖТКнинг 54-моддасига мувофиқ жавобгарликка тортилиши ҳақида тушунтириш ишлари мунтазам олиб борилмоқда.
Беҳзод Нематов
