Бухоро вилояти ҳокимининг қишлоқ ва сув хўжалиги масалалари бўйича ўринбосари Амрилло Назаров томонидан Ромитан туман марказидан 100 километр узоқликда жойлашган Газли шаҳри Байналмилал маҳалла фуқаролар йиғинидаги қизил тоифага киритилган ёшлар билан ушбу ҳудуддаги 17-сон Болалар мусиқа ва санъат мактабида учрашув бўлиб ўтди.
Учрашувда газли шаҳар ҳокими У.Жумаев, туман ҳокими ўринбосарлари, ҳуқуқни муҳофаза қилувчи органлар ходимлари, тегишли ташкилот, корхона раҳбарлари, маҳалла бешлиги ҳамда ёшлар иштирок этди.
Учрашув жараёнида фуқаролар томонидан йўлланган имтиёзли кредит олишда амалий кўмаклашиш, иш билан таъминлаш, яшаб турган уй-жойини таъмирлаб бериш, бир марталик моддий ёрдам ажратиш каби бир нечта мурожаатлар йўлланиб, ижобий ҳал этиш учун тегишли ташкилот раҳбарларига бириктирилди.
Мурожаатларнинг 4 таси учрашувнинг ўзида ижобий ҳал этилди, 2 та мурожаат бўйича масалани қисқа вақт ичида ҳал этиш учун масъулларга топшириқлар берилди.
Бундан ташқари ёшлар муаммоларини ҳал этиш, мурожаатларга ижобий ечим топиш мақсадида вилоят ҳокимининг ўринбосари А.Назаров бошчилигида тегишли мутасаддилар ёшлар муаммоларини жойида бориб ўргандилар.
