Газ жиҳозларига техник ва профилактик хизмат кўрсатиш газ хўжалиги корхонаси мутахассислари томонидан амалга оширилади. Техник ва профилактик хизмат кўрсатиш муддатлари ва даврийлиги ўзаро шартномаларда белгиланиб, қуйида кўрсатилган даврийликдан кам бўлмаслиги зарур:а) яшаш уйлари ва хонадонлардаги табиий газда ишлайдиган газ плиталари, бошқа газ асбоблари бўлмаган ҳолларда – техник хизмат кўрсатиш ҳар икки йилда бир марта;б) яшаш уйлардаги суюлтирилган газда ишлайдиган газ плиталари – техник хизмат кўрсатиш бир йилда бир марта;в) яшаш уйлари ва хонадонлардаги газ плиталари, иситиш ва сув иситиш асбоблари – техник хизмат кўрсатиш бир йилда бир марта ва иситиш мавсумидан олдин бир йилда бир марта профилактик хизмат кўрсатилади. Бунда, техник ва профилактик хизмат кўрсатиш оралиқларидаги вақт камида 4 ой бўлиши зарур;г) шунингдек, корхона ва ташкилотлар тасарруфида бўлган газ жиҳозлари, уларнинг туридан қатъий назар, техник хизмат кўрсатиш – бир йилда бир марта ва профилактик хизмат кўрсатиш эса – бир йилда уч марта амалга оширилиши шарт. Соҳа мутахассислари томонидан 9 ой техник кўриклар, йилнинг сўнгги уч ойи давомида эса профилактик хизматлар бажарилади. Бу бўйича жойларда тушунтиришлар ҳамда тарғиботлар олиб борилмоқда. Шунинг учун ҳар бир фуқаро ўз хавфсизлигига эътиборли бўлиши, газ жиҳозларининг техник созлигини таъминлашда аҳамият қаратиши шарт.
ГАЗ ЖИҲОЗЛАРИГА ТEХНИК ВА ПРОФИЛАКТИК ХИЗМАТ КЎРСАТИШ ДАВРИЙЛИГИ БEЛГИЛАНГАНМИ?
