“Ҳудудгазтаъминот” АЖ ҳамда “Ҳудудгаз Бухоро” газ таъминоти филиали томонидан газ таъминоти филиали ва унинг шаҳар, туман газ таъминоти бўлимларида амалий семинар ташкил этилди.Семинар иштирокчилари “Ҳудудгаз Бухоро” ГТФдаги марказий диспетчерлик хизматида амалга оширилган ишлар билан танишишди. Туманларда кунлик газ тақсимлаш станцияларидан қабул қилиб олинган газ ҳажмларини ҳар бир йирик ҳудудлар кесимида аҳоли хонадонлари ҳамда улгуржи ташкилотларни газ истеъмолини филиалнинг марказий диспетчерлик хизматида онлайн кузатиш ва таҳлил қилиш имкониятининг яратилганлигининг тақдимоти қилинди.Ер ости газ қувурларида технологик йўқотишларни қисқартириш мақсадида газ таъминоти бўлимларида олиб борилаётган ишлар тақдимоти Қоровулбозор тумани мисолида кўрсатилди. Дастлабки манзил Бухоро шаҳрини табиий газ билан таъминловчи газ тақсимлаш пункти ва элэктро кимёвий ҳимоялаш станцияси фаолиятини таништиришдан иборат бўлди. Шунингдек, вилоятнинг олис ҳудуди бўлмиш Гъиждувон тумани марказини табиий газ билан таъминловчи газ тақсимлаш пунктининг иш фаолияти, Вобкент туманидаги газ тўлдириш шохобчаси, Жондор тумани “Демун” МФЙ ҳудудидаги юқори босимли газ тақсимлаш пунктида амалга оширилган ишлар ва сервис хизмати йўналишида аҳоли истеъмолчиларига кўрсатилган хизматлар ўрганилиб, тажриба алмашилди. Қоракòл туманидаги “Саноат тармоғи”да, Олот туманида ҳам куз-қиш мавсумига тайёргарлик кўриш, истеъмолчиларни икки босқичли тизим орқали табиий газ билан таъминлаш жараёни уларга катта таассурот қолдирди. Семинарнинг иккинчи кунида соҳа вакиллари Қоровулбозор туманидаги “Имом ал-Бухорий” МФЙни таъминловчи юқори босимли газ маромлаш пункти билан танишишди. Семинар иштирокчиларга катта таассурот қолдирди.
