Шу кеча-кундузда аҳолининг талаб-истаклари асосида иш тутиш, муаммоларни ўз жойида ҳал этиш долзарб вазифалардандир. 2022 йил 13 декабр куни туман ҳокими Фарход Умаров тумандаги «Сўфидеҳқон» МФЙда яшовчи аҳоли вакиллари, нуронийлар ва ёшлар билан учрашди.
Учрашувда туман ҳокими аҳолини қийнаётган кундалик муҳим муаммоларни батафсил эшитди ва уларни зудлик билан ҳал этиш юзасидан мутасаддиларга зарур топшириқларни берди.
Шунингдек туман ҳокими 18-умумтаълим ўрта мактабининг қишки мавсумга тайёргарлигик ҳолати, ошхона фаолияти, ўқувчиларнинг билим савияси, спорт зали, кутубхона фаолияти, оғир атлетика спорт тури бўйича ташкил этилган тўгаракнинг ишлари маҳалладаги оилавий шифокорлик пунктида яратилган шарт-шароитлар билан якиндан танишди ва мактаб кутубхонасини янги адабиётлар билан тўлдириш зарурлиги хусусида зарур тавсиялар берди.
Шу куни муаммоларни ўрганишда туман ҳокимига Ўзбекистон Республикаси Вобкент туман Халқ қабулхонасининг мудири Лайло Шарипова ҳамроҳлик қилди.
Меҳнат фахрийси, нафақадаги шифокор Комил Сафаров маҳалла ҳудудида ёшлар учун янги ўйингоҳ барпо этишда кўмаклашгани учун туман ҳокимига алоҳида миннатдорлик билдирди.
Туман ҳокими Фарход Умаров учрашувда аҳоли билдирган муаммоларга ечим излаб, уларни ҳал этиш хусусида туман ташкилот ва идоралари раҳбарларига топшириқлар бериб ўтди.
